Home
Profile
Gallery
Contact Us
Somali Music
Awdalnews
Aftahan
Allaybaday
BoramaNews
Caynaba
Dayniile
DhambaalNews
Somalilandnation
Gabileynet
Harowo
HiiraanOnline
Waaheen
Qaranexpress
Qarannews
HormoodNews
HalganNews
HadhwanaagNews
Lughaya
MaandeeqNews
Laasqoray
Redseaonline
Sanaagweb
SomalilandPatriots
Saylac
Golisnews
SomalilandEdu.
Smalilandembassy
Somalilandfuture
Somalilandnet
Somaliland.org
Somalilandtalk
Soomaaliweyn
Somalilandgov.
Somalielecdictionary
Somalilandcenter
Somalilandnews
Wardheernews
TogdheerNews
Waridaad
Waagacusub
Sooyaal
Hornafrik
Shabellenet
Somalilandadvice
LongliveSomaliland
Djiboutinet
Dalxiis
 
 
 
 

 BAAQ AY SOO SAAREEN CULIMADA IYO SALAADIINTA BOORAMA QAAR KA MID AH
Borama(dsn)Waxaa maanta Masaajidka Jaamaca Sh.Cali Jawhar shir isugu yimid culimada Gobolka Awdal iyo qaar ka mid ah Salaadiinta iyo Cuqaasha gobolka waxanay kulan ay yeesheen 04/071429H oo waafaqan 07/07/08 ayna ku falanqeeyeen xaaladaha abaaraha ka jira dalka gaar ahaan Gobolka Awal dood, falanqayn iyo wax iswaydaarsi ka dib waxa ay sheegeen iyada oo dadka reer Awdal ay aad ugu tiirsan yihiin Xoolaha nool oo ay dhaqdaan iyo wixii ay beeraha ka tabcadaan in ay dhulka ka jiraan abaaro iyo dhibaatooyin kale oo ay ka mid yihiin sicir barar, iyada oo waliba dadkii baadiyaha deganaa ee xoolaha lahaa ay ka le’deen wixii yaraa ee ay haysteen.

Waxa ay culimada ay salaadiintuba soo saareen baaq ka kooban laba qaybood oo kala ah mid ku wajahan maamulka gobolka iyo mid ku aadan dadwaynaa degen gobolka Awdal, kan maamulka gobolka ku aadan wax uu ka koobnaa dhawr qodob oo kala ah sedan:

1. In xukuumadu ku baaqdo wax ka qabashada dhibaatada taagan caalamkana gaadhsiiso sidaas.
2. In xukuumadu ku dhiiri galiso ganacsatada keenista raashinka jaban sida Galayda, Hadhuudhka Digirta iwm kuwaas oo laga keeni karo wadamada inoo dhow sida Suudaan oo kale islamarkaana xukuumadu ka dhaafto cashuurta.
3. In la sameeyo wacyi galin ku aadan sidii loo kordhin lahaa dalagyada quutal daruuriga ah halkii laga beeri lahaa wax kale.
4. In ay dawladu wax ka qabato kana hortagto faafida macsiyada iyo cadaalad darada taas oo sabab u ah abaaraha iyo cidhiidhiga jira.
5. In lagu booriyo dadka xeebaha degan in ay kordhiyaan wax soo saarka kalluunka kana faa’iidaystaan khayraadka bada.

Waxaa kale oo culimadu ku soo celceliyeen in xoolaha laga dhoofiyo saylac ama loo dhoofiyo Jabuuti lagala mid dhigo kuwa kale oo wadamada kale aan u dhoofino oo xaga cashuurta ay isaga mid noqdaan.

Waxaa kale oo culimada iyo salaadiintu ay baaq kale u soo jeediyeen dadwaynaha reer Awdal oo ay ka dalbadeen in ay Ilaahay u Tawbad keenaan, in ay joojiyaan dulmiga iyo isku xadgudubka, in ay ka hortagaan waxna ka qabtaan dadka sufahada ah ee Ilaahay, Diintiisa iyo Rasuulkiisaba aflagaadayna, in la joojiyo gaafafka aroosyada gaar ahaan kuwa miyiga oo ay sheegeen culimadau in ay dhibaado ama faaxisho foolxumo ka dhacdo marka ay dhalinyaradu isugu yimaadaan meehaas.

Waxaa kale oo baaqka culimada iyo salaadiinta ku jiray in dadka reer Awdal ee Qurba jooga ah ay dadka walaalahood ah wax soo taraan oo u soo gurmadaan wax ala iyo wixii ay qaban karaana soo diraan

Waxaa shirkaas gudoominayey Sh.C/laahi .Sh.Cali Jawhar iyo Sh.C/raxmaan Cilmi,iyada oo madasha fadhiyeen culimo kale iyo salaadiin halkaasna ay isku waydaarsadeen dodo iyo warbixino ku saabsaan xaalada gobolku marayo


Hasan Ciise Bormaanews
Borama Office




 
 
 
 
 Heesta Maanta Bulshada SL
 
 
   Home   About Us   Contact